Алматыдағы тәртіпсіздіктер кезінде "Эйр Астана" қызметкері жарақат алған
Алматыдағы тәртіпсіздіктер кезінде "Эйр Астана" әуекомпаниясының қызметкеріне оқ тиген. Бұл туралы компанияның баспасөз қызметі мәлімдеді , - деп хабарлайды Tengrinews.kz тілшісі.
"Әуекомпания қызметкері дәріханадан үйге қайтып бара жатқанда оқ тиіп, ауыр жарақат алды", - деді баспасөз қызметіндегілер.
Компания өкілдері оқиға 6 қаңтарда болғанын хабарлады.
Еске салайық, Алматыдағы тәртіпсіздіктер кезінде күш құрылымдарының 16 қызметкері қаза тауып, 1300-ден аса адам жарақат алды.
6 қаңтарда Алматы әуежайы басып алынды, салдарынан бес ұшақ бандиттердің қолына түсті. Кейінірек қаланың әуе айлағы босатылды. Алматы әуежайы жұмысын 13 қаңтарда ғана қайта бастады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!