Фаол вулқон оғзига учиб кирган тарихдаги биринчи одам (видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q

Вингсют (қанотли костюм) ишқибози Себастьян Альварес фаол вулқон оғзига учиб кирди ва орадан бир неча сония ўтгач қайтиб чиқди. У тарихда бундай хавфли ишни қилган биринчи одамга айланди. Бутун парвоз жараёни тасвирга олиниб, интернетга жойлаштирилган. Себастьян Альварес экстремал спортни ва махсус костюмда соатига 200 километрдан юқори тезликда учишни яхши кўради. Вақти-вақти билан у бутун дунёга ушбу спорт тури ниҳоятда завқли бўлиши мумкинлигини кўрсатиб беради. Унинг ақл бовар қилмас ютуқлари дўстларини илҳомлантиради. Альвареснинг сўнгги ютуғи вулқон оғзига уюштирилган биринчи муваффақиятли парвоз бўлди. Бунинг учун Чилидаги Вильяррика вулқони танланган, денгиз сатҳидан 2847 метр баландликда жойлашган вулқон стратовулқонлар гуруҳига киради. У дунёдаги энг фаол вулқонлардан биридир. Вингсют ишқибозининг CNN телеканалига айтишича, у вертолётдан сакраб тушганидан 40 сония ўтгач, ўзини вулқон ичида кўрган ва бир неча сониядан сўнг ундан хавфсиз учиб чиққан. Парвоз ажойиб ўтди. Альварес ҳавога кўтарилишдан олдин жуда кўп таҳлил ва ҳисоб-китобларни амалга оширган. Заррача хато ҳам унга қимматга тушиши мумкин эди.