ბორელი: ბოსნიაში "ყველაზე შემაშფოთებელი ვითარებაა" არჩევნების შესახებ ხორვატთა მუქარის გამო
ბორელმა მიუნხენის უსაფრთხოების კონფერენციის მონაწილეები გააფრთხილა, რომ ვითარება ახლა "ყველაზე შემაშფოთებელია" ქვეყანაში, რომელიც უკვე დაყოფილია ბოსნიელების, ხორვატების ფედერაციად და სერბთა ერთეულად, რომელსაც რეპუბლიკა სრპსკა ეწოდება.
ბოსნიის სახელმწიფოს მესვეურები და საერთაშორისო თანამეგობრობა ისედაც ცდილობენ გაუმკლავდნენ სეპარატისტულ იმპულსებს, რომელიც მომდინარეობს ბოსნიის სამმაგი საპრეზიდენტო უწყების ერთ-ერთი წევრის, ბოსნიელ სერბთა ლიდერის, მილორად დოდიკისგან. ზეწოლა იზრდება საიმისოდ, რომ გადაწყვეტა მოეძებნოს ხორვატთა ჩივილებსაც, რომლებსაც ზოგ შემთხვევაში ზურგს უმაგრებს საერთაშორისო იურიდიული ვერდიქტები - რომ ბოსნიაში 1995 წელს ჩამოყალიბებული ეთნიკური დაყოფა დისკრიმინაციულია და უნდა გაუქმდეს.
საყოველთაო არჩევნები ოქტომბერშია დანიშნული. 19 თებერვალს, უწყებამ, რომელიც წარმოადგენს ბოსნიელ ხორვატთა ბევრ პოლიტიკურ პარტიას, განაცხადა, რომ ბოსნიაში საკუთარი რეგიონის შექმნისთვის დაიწყებს მუშაობას, თუკი საარჩევნო კანონები არ შეიცვლება საიმისოდ, რომ ეროვნულ დონეზე მათი წარმომადგენლობა გაძლიერდეს.
"ბოსნიის დაშლას და დაყოფას არ შევურიგდებით" - თქვა ბორელმა, მისი განცხადებით, ევროკავშირის ქვეყნების საგარეო საქმეთა მინისტრები ბოსნიის პრობლემაზე 21 თებერვალს, საგარეო საქმეთა საბჭოს შეხვედრაზე ისაუბრებენ.