Ҳиндистоннинг Apollo Hospitals халқаро тармоғи Ўзбекистонда ўз клиникасини очади
Лойиҳавий қиймати 30 миллион доллар бўлган клиника, дастлаб 100 кишига мўлжалланади. Кейинроқ 200 ўринга кенгайтирилади.
Хабарда айтилишича, клиникадан Қозоғистон, Қирғизистон ва Тожикистон фуқаролари ҳам фойдаланишига имконият яратиш мақсадида Фарғона вилоятида қурилади.
Клиника онкология, урология, нейрохирургия, кардиология, юқори аниқликдаги ташхис қўйиш ва аъзолар трансплантацияси билан шуғулланади.
1983 йилда ташкил этилган Apollo Hospitals тармоғи Ҳиндистонда биринчилардан бўлиб АҚШдаги Халқаро бирлашган комиссиянинг халқаро аккредитациясига эга бўлган.