FN med Ukraina-åtvaringar
0
FN oppmodar alle partar mot einsidige handlingar som vil undergrave Ukrainas territorielle integritet.
Oppmodinga kom nokre minutt før Kreml kunngjorde at Russlands president Vladimir Putin skal anerkjenne utbrytarregionane Donetsk og Luhansk i Aust-Ukraina som uavhengige.
– Vi vil oppmode alle involverte til å avstå frå alle einsidige avgjerder eller einsidig handling som kan undergrave Ukrainas territorielle integritet, seier FNs talsperson Stephane Dujarric.
– Alle problem må løysast gjennom diplomati, la han til, og understreka FNs oppmoding om tilbakehaldenheit for å unngå at konflikten eskalerer.
(NPK)