Рөстәм Миңнеханов Казанда кар чистартуның сыйфатын җитешсезлек дип атады
(Казан, 21 февраль, «Татар-информ», Алексей Угаров). Быел Татарстанда кар күп яуды, һәм беренче чираттагы бурыч зур магистральләрне чистарту иде. Шуңа да карамастан, ишегалды территорияләре турында да онытырга ярамый, алар буенча шикаятьләр күп килә.
«Торак-коммуналь хезмәт мәсьәләләре буенча гражданнардан мөрәҗәгатьләр күп килә. Казанда яшәүчеләр нигездә коммуналь хезмәтләрнең сыйфатына һәм түләүләргә зарлана. Без бу мөрәҗәгатьләрне, шулай ук төзекләндерү һәм карап тоту буенча сорауларны игътибарсыз калдыра алмыйбыз», — диде Татарстан Президенты Рөстәм Миңнеханов Казан шәһәре думасы сессиясендә.
«Ел бик карлы булса да, кешегә каядыр барып җитәргә кирәк. Беренче чиратта трассаларны чистартырга кирәк дигән сорау аны борчымый. Шулай да моны кабул итәргә кирәк, бу әлегә безнең җитешсезлек», — диде республика җитәкчесе.
Татарстан Президенты бүген Казан шәһәр думасы утырышында чыгыш ясады, ул 2021 ел нәтиҗәләренә һәм 2022 ел планнарына багышланган иде.