Putin, Rusiye Telükesizlik şurasınıñ nevbetten tış toplaşuvını ötkerecek
«Bu – Büyük bir telükesizlik şurası», – dep bildire Peskovnıñ aytqanlarını «İnterfaks». Matbuat kâtibiniñ aytqanına köre, Putin bugün bir qaç halqara telefon subetini keçirmege planlaştıra. Telükesizlik şurasınıñ nevbetten tış toplaşuvınıñ ve muzakerelerniñ mevzusı ne olacaq Peskov aytmadı.
ABD prezidenti Joe Biden eñ yaqın künleri Rusiye prezidenti Vladimir Putinnen eñ yüksek seviyede körüşmege añlaştı. Biden Putinnen devlet kâtibi Antony Blinken Rusiye Tış işler naziri Sergey Lavrov ile fevralniñ 24-nde, «ücüm etilmese», muzakere keçirgen soñ körüşecek, dep bildirdi Beyaz saraynıñ matbuat kâtibi Jen Psaki fevralniñ 20-nde.
ABD prezidenti fevralniñ 18-nde Putin Ukrainağa ücüm etmege qarar bergeninden «emin olğanını» ve bu eñ yaqın künleri ola bile, dep ayttı. Biden, Putin ücümni devam ettirse, Amerika Birleşken Devletleri ve Avropa ittifaqdaşları sert sanktsiyalarnı kirsetecek, dep ayttı.
Rusiye ücüm etüv niyetlerini inkâr etip, bazı quvetlerni keri çekip başladı, dep bildirdi. ABD ve NATO qısmiy çekilüv alâmetlerini körmeyler, dep bildireler.