ვლადიმერ ზელენსკი: განვიხილეთ ბოლო საათების მოვლენები აშშ-ის პრეზიდენტთან
განვიხილეთ ბოლო საათების მოვლენები აშშ-ის პრეზიდენტთან, – ამის შესახებ უკრაინის პრეზიდენტმა ვლადიმერ ზელენსკიმ სოციალურ ქსელში დაწერა.
“განვიხილეთ ბოლო საათების მოვლენები აშშ-ის პრეზიდენტთან. ვიწყებთ ეროვნული უსაფრთხოებისა და თავდაცვის საბჭოს სხდომას. ასევე იგეგმება საუბარი ბორის ჯონსონთან”, – დაწერა ზელენსკიმ “ტვიტერზე”.
რუსეთის პრეზიდენტმა, ვლადიმერ პუტინმა ოკუპირებული დონეცკისა და ლუგანსკის ე.წ. „დამოუკიდებლობა“ აღიარა.
“საჭირო გახდა მიგვეღო გადაწყვეტილება დონეცკისა და ლუგანსკის რესპუბლიკების სუვერენიტეტის აღიარების შესახებ. ვთხოვ ფედერაციის საბჭოს, სასწრაფოდ მოახდინოს ამ გადაწყვეტილების რატიფიცირება. ამის შემდეგ სასწრაფოდ უნდა შევიდეს გადაწყვეტილება ძალაში რესპუბლიკების დახმარებასთან დაკავშირებით. ჩვენ ვითხოვთ, სასწრაფოდ შეწყდეს საბრძოლო მოქმედებები, წინააღმდეგ შემთხვევაში ყველა შედეგი სისხლისღვრაზე დაეკისრება უკრაინის მმართველ ხელისუფლებას. მე მაქვს რუსი ხალხის მხარდაჭერის იმედი“,- განაცხადა პუტინმა სპეციალურ მიმართვაში.