Қозоғистонлик хонанданинг қўшиқлари Япония университети ўқув дастурига киритилди
Апрел ойида Япониянинг энг йирик университети бўлмиш «Тhе Оpen University оf Japan»да рус тили бўйича янги курс очилди. Курс дастуридан Димаш Қудайберген қўшиқлари ўрин олган, деб хабар беради dimashnews.cоm.
Димаш қўшиқлари Тиба префектурасида жойлашган «Тhе Оpen University оf Japan» Япония университетининг ўқув дастурига киритилган бўлиб, у кунчиқар мамлакатдаги энг машҳур сиртқи университет ҳисобланади. Унда 80 мингга яқин талаба бор.
Жорий йилнинг апрель ойида университетда янги рус тили курси очилди, унда талабалар Димаш Қудайбергеннинг учта қўшиғи: «Мен сени соғиндим», «Биламан», «Чарчаган оққушларнинг севгиси» билан танишадилар.
Димашнинг қўшиқлари Япония университетининг ўқув дастурига киритилган.
Курс дастури 15 та маърузадан иборат бўлиб, улар ҳар якшанба куни BS телеканалида намойиш этилади. Курс давомида талабалар 3 апрелдан 10 июлга қадар Димаш қўшиқларини тинглашади.
Маърузаларнинг трансляцияси фақат Японияда мавжуд.