სენაკის სამხედრო ბაზაზე 21 წლის ჯარისკაცის ცხედარი იპოვეს
სოფლის მცხოვრებლების თქმით, ჯარისკაცს ცეცხლსასროლი იარაღით აქვს ჭრილობა მიყენებული. როგორც მერის წარმომადგენელმა სოფელ საჯიჯაოში თამარ კვარაცხელიამ რადიო თავისუფლებას უთხრა, კაცი გარდაცვლილი 17 აპრილს ბაზაზე იპოვეს. რა მოხდა - დეტალები მისთვის უცნობია.
21 წლის ჯარისკაცი საჯიჯაოში, თავის სახლში უკვე მიასვენეს.
"ჯონი ჯაბას ძე ახალაიამ თავისივე ავტომატური ცეცხლსასროლი იარაღით ჩაიდინა თვითმკვლელობა, რომელიც ასევე დააფიქსირა შემთხვევის ადგილზე არსებულმა ვიდეოსამეთვალყურეო კამერამ. ასევე კამერის ჩანაწერებით დგინდება, რომ ტრაგიკული ინციდენტის დროს ადგილზე იმყოფებოდა მხოლოდ აღნიშნული პიროვნება", - განაცხადებს თავდაცვის სამინისტროში.
საქმეზე გამოძიება თვითმკვლელობამდე მიყვანის, სისხლის სამართლის კოდექსის 115-ე მუხლით დაიწყო.