Алабугада 1979 елда төзелгән йорт ишегалдын төзекләндерергә җыеналар

Алабугада 1979 елда төзелгән йорт ишегалдын төзекләндерергә җыеналар. Биредә шушы елның икенче кварталында эшкә керешәчәкләр. Әйләнеч шоссесы, 21а адресы буенча урнашкан ишегалды 15 апрельдән 30 майга кадәр бөтен Россия буенча уза торган төзекләндерү объектлары исемлегенә керде. Бу турыда «Алабуга нуры» хәбәр итә.

«Без, бу йортта яшәүчеләр, ишегалдыбызның төзекләнәчәгенә бик шат. Биредә юлны яңартырга, яктырткычларны төзекләндерергә планлаштыралар. Бу бик яхшы эш», — ди Әйләнеч шоссесында урнашкан йортта яшәүче 73 яшьлек Валентина Тихоновна.

Әйләнеч шоссесы, 21а номерлы өч катлы йорт 1979 елда төзелгән. Халык ишегалдын төзекләндерү өчен узган ел тавыш биргән, ә быел ул «Безнең ишегалды» республика программасына кергән.

«Әлеге ишегалдында асфальт катламы алмаштырылачак, тротуарлар төзекләндереләчәк, урам утларын ремонтлаячаклар, дип сөйләде. Балалар мәйданчыгы яңартылачак, әлегә анда балалар өчен урнаштырылган таучыклар һәм атынгычлар иминлек таләпләренә туры килми», – диде ТР шәһәрләрен үстерү институты» фондының стратегик проектлар белән идарә итү департаменты җитәкчесе урынбасары Адель Шакиров.

Идарәче компания көче белән иске корылмаларны сүтәчәкләр. Шулай ук бу территориядә парковка кесәләре, кер һәм келәмнәр киптерү урыннары булачак. Биредә шушы елның икенче кварталында эшкә керешәчәкләр.

Программа таләпләреннән берсе — ишегалдындагы асфальт катламына ремонт кирәклеге һәм йортның 2014 елга кадәр төзелгән булуы.

Иҗтимагый киңлекләр ишегалды территорияләре белән бергә яңартыла. Мондый комплекслы якын килү нәтиҗәсендә ишегаллары уңайлы һәм куркынычсыз маршрутлар аша парклар белән тоташтырыла һәм бердәм шәһәр челтәре формалаша.