Արցախից հերքում են կրակոցներ արձակելու մասին Բաքվի հաղորդումը
![Արցախից հերքում են կրակոցներ արձակելու մասին Բաքվի հաղորդումը](https://gdb.rferl.org/8215fba5-cb49-45eb-aab2-dc48efb67165_w800_h450.jpg)
Արցախից հերքում են Բաքվի հերթական լուրը։
Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները հունիսի 20-ին ժամը 20:10-ի սահմաններում կրակ են բացել Արցախի Շուշիի շրջանի ադրբեջանական վերահսկողության տակ անցած տարածքներում ադրբեջանական դիրքերի ուղղությամբ, հերթական ապատեղեկատվությունն է, հայտարարում է Պաշտպանության բանակը։
Վերջին շրջանում կողմերը պարբերաբար, նույնիսկ օրվա ընթացքում մի քանի անգամ միմյանց մեղադրում են հրադադարը խախտելու համար։