Արցախի նախագահը թութակի պես կրկնում է Երևանի ասածը, անհեթեթ քայլերով խոցելի է դարձնում Արցախը․ Տիգրան Թորոսյան (տեսանյութ)
Արցախի նախագահը թութակի պես կրկնում է Երևանի ասածը, անհեթեթ քայլերով խոցելի է դարձնում Արցախը:
«Կիզակետում Արկադի Գրիգորյանի հետ» հաղորդման ժամանակ ասել է ԱԺ նախկին նախագահ, քաղաքագիտության դոկտոր Տիգրան Թորոսյանը․
«Արցախի իշխանությունները, Արայիկ Հարությունյանը որևէ պատկերացում չունեն խնդրի մասին, լուծման ճանապարհների մասին։ Մարդը բիզնեսմեն է, ստեղծեց կուսակցություն, դարձավ Արցախի ղեկավար։ Հենց այստեղ է թաղված շան գլուխը։
Արցախի իշխանությունները պետք է գնան ինքնորոշման իրավունքի իրացման հետևից, հետևողականորեն աշխատեն միջազգային կառույցների, ազդեցիկ երկրների հետ։ Արևելյան Թիմորը լավագույն օրինակ է, թե ինչպես կարելի է արդյունքի հասնել տասնամյակներով պայքարելով իրավունքի համար։ Արցախի ԱԺ-ն պիտի ստիպի նախագահին ճիշտ քայլեր անել»,-նշել է Թորոսյանը։
Նրա գնահատմամբ Վաշինգտոնում չստացվեց այն, ինչի համար հավաքվել էին, երկար ճանապարհ կա անցնելու։ Տիգրան Թորոսյանի դիտարկմամբ, զոհեր ու զուգահեռ բանակցություն չի լինում, դա նշանակում է պատրաստ ես անհասկանալի ամեն ինչի։ Ինչ վերաբերում է Ստեփանակերտ-Բաքու ուղիղ երկխոսությանը՝ միջազգային մեխանիզմի ներքո, ապա Թորոսյանի բնորոշմամբ, 5 տարի առաջ ՀՀ իշխանությունները թքեցին Արցախի անկախության ճանաչմանը տանող միջազգային մեխանիզմի վրա։
Հարցազրույցն ամբողջությամբ՝ տեսանյութում․