Բախվել են շտապօգնության Toyota-ն ու Mitsubishi-ն, 4 վիրավորների մեջ են բժիշկ ու բժշկուհի․ Shamshyan.com (լուսանկարներ)
Ժամը 18:20-ի սահմաններում Տիգրան Մեծ պողոտա - Քրիստափոր փողոցի խաչմերուկում բախվել են Toyota մակնիշի շտապօգնության և Mitsubishi մակնիշի ավտոմեքենաները: Այս մասին գրել է Shamshyan.com-ը։
Վթարի հետևանքով շտապօգնության վարորդը, բժիշկը, բժշկուհին և Mitsubishi-ի վարորդը մարմնական վնասվածքներով մեկ այլ շտապօգնության ավտոմեքենայով տեղափոխվել են Հերացու անվան Թիվ 1 համալսարանական հիվանդանոց:
Վթարի մասին ՊԾ Երևան քաղաքի գնդից տեղեկությունը փոխանցել են Հայաստանի Քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին։
Վթարի փաստով քննչական բաժնում նախաձեռնվել է վարույթ:Պարեկային ծառայությունն ու քննչական բաժինը պարզում են վարորդների և վիրավորների ինքնությունը: