«Cobalt» ҳайдовчиси Намангандан Фарғонага «багаж»да одам ташиди
Ижтимоий тармоқда «Cobalt» ҳайдовчиси машинасининг юк хонасида одам ташиётгани акс этган видео тарқалди. ЙҲХХ хабарига кўра, ҳайдовчининг шахси аниқланган.
Фарғона вилояти Ички ишлар бошқармаси томонидан ҳолат ўрганилиб, ҳайдовчига нисбатан Маъмурий жавобгарлик тўғрисидаги кодекснинг 128-моддасига асосан баённома расмийлаштирилган.
«8 июль куни Намангандан Фарғонага келаётганимда одам кўпайиб кетгани сабаб икки кишини «капот»га солиб келдим. Қилган ишимдан пушаймонман. Бундай ҳолат бошқа такрорланмайди», дейди ҳайдовчи.