Беларус Мудофаа вазирлиги «Вагнер» жангчилари мамлакатга келганини маълум қилди
«Вагнер» жангчилари Белоруссия ҳудудий қўшинлари бўлинмаларида «инструктор сифатида» машғулотлар ўтказмоқда, деб таъкидламоқда мамлакат Мудофаа вазирлиги.
– Муддатли ҳарбий хизматчилар жанг майдонида ҳаракатланиш ва тактик ўқ отиш кўникмаларини пухта эгаллайди, муҳандислик тайёргарлиги ва тактик тиббиёт бўйича билим олади. Вагнер жангчилари бир қатор ҳарбий фанлар бўйича инструктор вазифасини бажарган”, — дейилади вазирлик матбуот хизмати хабарида.
26 июн куни, Евгений Пригожиннинг исёнидан сўнг, Россия президенти Владимир Путин «Вагнер гуруҳи» жангчиларига Мудофаа вазирлиги ёки бошқа ҳуқуқни муҳофаза қилиш идоралари билан шартнома имзолашни, оилаларига қайтишни ёки Белоруссияга кетишни таклиф қилди.
Беларус раҳбари Владимир Лукашенконинг таъкидлашича, вагнеритларга собиқ ҳарбий лагерларда яшаш таклиф қилинган.