ევროპის ზოგიერთ რეგიონში ჰაერის ტემპერატურამ 40 გრადუსზე მეტს მიაღწია
44,2 გრადუსს მიაღწია ჰაერის ტემპერატურამ თებეში, ათენიდან 50 კილომეტრში. მაღალი ტემპერატურის გამო დახურულია არქეოლოგიური ღირსშესანიშნაობანი, სხვათა შორის, აკროპოლისი, ასევე ზოგიერთი პარკი.
რამდენიმე დღეა, განსაკუთრებით ცხელა იტალიაში, რომლის ზოგიერთ რეგიონში, მაგალითად, სარდინიაზე, თერმომეტრმა 45 გრადუსი აჩვენა. იტალიის 16 ქალაქში, მათ შორის რომში, ბოლონიასა და ფლორენციაში სიცხის გამო გამოცხადდა განგაშის უმაღლესი, წითელი საფეხური.
45-გრადუსიანი სიცხეა ასევე ესპანეთში, სადაც ღამით ტემპერატურა 25 გრადუსზე დაბლა არ ეცემა.
სამხრეთისგან განსხვავებულ, მაგრამ ასევე მაღალ ტემპერატურას, 38 გრადუსამდე, მოელიან გერმანიის აღმოსავლეთში და პოლონეთში.