კიევზე სარაკეტო შეტევა იყო
რუსეთმა სარაკეტო იერიში მიიტანა უკრაინის დედაქალაქ კიევზე. საქალაქო-სამხედრო ადმინისტრაციის წინასწარი მონაცემებით, თავდასხმას მსხვერპლი და ნგრევა არ მოჰყოლია.
კიევის საქალაქო-სამხედრო ადმინისტრაციის ხელმძღვანელის, სერგი პოპკოს ტელეგრამ-არხზე, ადგილობრივი დროით დილის 8 საათისთვის გამოქვეყნებული წინასწარი ინფორმაციით, რუსეთის საოკუპაციო ძალებმა სარაკეტო შეტევა განახორციელეს სარატოვის ოლქიდან, სტრატეგიული ავიაციის Ту-95МС ტიპის თვითმფრინავებით და გამოყენებული იყო ფრთოსანი(Х-101, Х-555, Х-55) და ბალისტიკური რაკეტები. პოპკოს თანახმად, უკრაინის საჰაერო თავდაცვის ძალებმა ყველა სამიზნე გაანადგურეს. დაზუსტებულ მონაცემებს თავდაცვის ძალების სარდლობა გაავრცელებს.
კიევსა და კიევის ოლქში ადგილობრივი დროით 4:43 საათზე გამოცხადდა საჰაერო განგაში, რომლის დროსაც მოქალაქეები ბომბსაცავებსა და სხვა უსაფრთხო ადგილებში უნდა გადავიდნენ.
გასულ ღამით, რუსეთმა უპილოტო საფრენი აპარატებით შეტევა მიიტანა უკრაინის ოდესის ოლქის იზმაილის რაიონზე. დაიღუპა 1 ადამიანი.
ოდესის საოლქო-სამხედრო ადმინისტრაციის ინფორმაციით, რამდენიმე დასახლებულ პუნქტში დაზიანებულია საპორტო და სასოფლო-სამეურნეო ობიექტები - ელევატორები, ადმინისტრაციული შენობები და აგროსაწარმოები.
იზმაილის რაიონი ოდესის ოლქის სამხრეთში, მდინარე დუნაიზე მდებარეობს. ამ რაიონის საპორტო ინფრასტრუქტურა უკრაინული ხორბლის და სხვა პროდუქტების ტრანსპორტირებისთვის გამოიყენება. იზმაილის რაიონზე უპილოტო საფრენი აპარატებით შეტევა იყო 3 და 4 სექტემბერსაც.
კიევის საქალაქო-სამხედრო ადმინისტრაციის ხელმძღვანელის, სერგი პოპკოს ტელეგრამ-არხზე, ადგილობრივი დროით დილის 8 საათისთვის გამოქვეყნებული წინასწარი ინფორმაციით, რუსეთის საოკუპაციო ძალებმა სარაკეტო შეტევა განახორციელეს სარატოვის ოლქიდან, სტრატეგიული ავიაციის Ту-95МС ტიპის თვითმფრინავებით და გამოყენებული იყო ფრთოსანი(Х-101, Х-555, Х-55) და ბალისტიკური რაკეტები. პოპკოს თანახმად, უკრაინის საჰაერო თავდაცვის ძალებმა ყველა სამიზნე გაანადგურეს. დაზუსტებულ მონაცემებს თავდაცვის ძალების სარდლობა გაავრცელებს.
კიევსა და კიევის ოლქში ადგილობრივი დროით 4:43 საათზე გამოცხადდა საჰაერო განგაში, რომლის დროსაც მოქალაქეები ბომბსაცავებსა და სხვა უსაფრთხო ადგილებში უნდა გადავიდნენ.
გასულ ღამით, რუსეთმა უპილოტო საფრენი აპარატებით შეტევა მიიტანა უკრაინის ოდესის ოლქის იზმაილის რაიონზე. დაიღუპა 1 ადამიანი.
ოდესის საოლქო-სამხედრო ადმინისტრაციის ინფორმაციით, რამდენიმე დასახლებულ პუნქტში დაზიანებულია საპორტო და სასოფლო-სამეურნეო ობიექტები - ელევატორები, ადმინისტრაციული შენობები და აგროსაწარმოები.
იზმაილის რაიონი ოდესის ოლქის სამხრეთში, მდინარე დუნაიზე მდებარეობს. ამ რაიონის საპორტო ინფრასტრუქტურა უკრაინული ხორბლის და სხვა პროდუქტების ტრანსპორტირებისთვის გამოიყენება. იზმაილის რაიონზე უპილოტო საფრენი აპარატებით შეტევა იყო 3 და 4 სექტემბერსაც.
