რუსეთმა სარაკეტო იერიში მიიტანა კიევსა და უკრაინის რამდენიმე ოლქზე
წინასწარი მონაცემებით, კიევში დაიჭრა 7 ადამიანი. დედაქალაქის მერის, ვიტალი კლიჩკოს ინფორმაციით, რუსული რაკეტის ნამსხვრევებმა დააზიანა გაზის მილი. კიევის სხვადასხვა რაიონში დაზიანებულია რამდენიმე შენობა. ზოგიერთ უბანს წყლის და ელექტროენერგიის მიწოდება შეუწყდა.
ხარკოვის საოლქო-სამხედრო ადმინისტრაციის წინასწარი ინფორმაციით, დაშავდა 2 ადამიანი. დაზიანებულია სამოქალაქო ინფრასტრუქტურის ობიექტები.
უკრაინის საჰაერო ძალების სარდლობამ ადგილობრივი დროით დილის 5 საათისთვის გამოაქვეყნა გაფრთხილება, რომ რუსეთის საოკუპაციო ძალების Ту-95МС ტიპის თვითმფრინავებიდან მოსალოდნელია ფრთოსანი რაკეტებით შეტევა და მოქალაქეებს თავშესაფრებში გადასვლისკენ მოუწოდა. უკრაინის ტერიტორიაზე გამოცხადებული საჰაერო განგაში დილის 7 საათისთვის შეწყდა.