Պեսկովն ասել է՝ արդյոք Ռուսաստանը կարո՞ղ է ընդունել տարհանված արցախցիներին
Ռուս խաղաղապահները ջանքեր են գործադրել՝ օգնելու Լեռնային Ղարաբաղի բնակիչներին հեռանալ վտանգավոր տարածքներից։ Այս մասին, ՏԱՍՍ-ի փոխանցմամբ, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Կրեմլի ներկայացուցչին հարցրել են, թե Ռուսաստանը կարո՞ղ է ընդունել տարհանված արցախցիներին։ «Մենք դեռ չգիտենք՝ ինչ անհրաժեշտություն կառաջանա։ Մեր խաղաղապահները մատուցել են բոլոր անհրաժեշտ ծառայությունները և ջանքեր են գործադրել՝ օգնելու այդ մարդկանց հեռանալ վտանգավոր տարածքներից»,- արձագանքել է մամուլի քարտուղարը։
«Մենք ելնում ենք նրանից, որ այժմ կսկսվի կայուն հրադադարի շրջան, պայմաններ կստեղծվեն տեղահանվածների` իրենց բնակության վայրեր վերադառնալու համար»,- ասել է Պեսկովը։