აშშ-ში ახალი თაობის სტრატეგიულმა ბომბდამშენმა პირველი ფრენა განახორციელა
სააგენტო Reuters-ის ცნობით, თვითმფრინავი 10 ნოემბრის დილით, ლოს-ანჯელესიდან დაახლოებით 100 კილომეტრში მდებარე,აშშ-ს საჰაერო ძალების 42-ე ქარხნის აეროდრომიდან აფრინდა. საჰაერო ძალებმა წინასწარ არ გამოაცხადეს ამ ფრენის შესახებ, მაგრამ, სააგენტოს ცნობით, დახურულ ფრენას დაახლოებით სამი ათეული საავიაციო ენთუზიასტი და მოყვარული ფოტოგრაფი ადევნებდა თვალს.
საიდუმლო ბომბდამშენის პირველი საჯარო დემონსტრაცია დეკემბერში გაიმართა. თვითმფრინავი რამდენიმე წელიწადში უნდა შევიდეს აშშ-ს საჰაერო ძალებში. იგი აგებულია მფრინავი ფრთის აეროდინამიკური სქემის მიხედვით, აქვს დაბალი რადიო ხილვადობა და შეუძლია ბირთვული იარაღის ტარება. ვარაუდობენ, რომ მომავალში ის შეძლება გამოვიდეს უპილოტო თვითმფრინავის ვერსიით.
პენტაგონს განზრახული აქვს 100-დან 200-მდე ასეთი თვითმფრინავის შეძენას. B-21-ის ღირებულება გასაიდუმლოებულია. დაგეგმვის ეტაპზე, 2010 წლის ფასებში მისი ღირებულება 550 მილიონი დოლარი იყო. (2023 წელს, ინფლაციის გათვალისწინებით, 750 მილიონი დოლარი).
სტრატეგიულ ბომბდამშენმა აშშ-ს საჰაერო ძალებში უნა შეცვალოს b-1b და b-2a თვითმფრინავები, რომლებიც შესაბამისად 1973-1987 წლებში იქნა გამოშვებული.
B-21-ის აგების თანხა აშშ-ის მიმდინარე წლის ბიუჯეტში შევიდა, როდესაც პრეზიდენტმა ჯო ბაიდენმა გასული წლის ბოლო ხელი მოაწერა 2023 წლის თავდაცვის ბიუჯეტის პროექტს, რომელიც სამხედრო ხარჯებისთვის 858 მილიარდი დოლარის გამოყოფას ითვალისწინებს. ეს თითქმის 80 მილიარდით მეტია, 2022 წლის თავდაცვის ბიუჯეტთან შედარებით.