Եթե խոսքը խաղաղության երկխոսության մասին է, երկրները պետք է սպառնալիքի լեզվով չխոսեն. ՀՀ-ում Իրանի դեսպանն անդրադարձել է ադրբեջանական հռետորաբանությանը
Հայաստանում Իրանի դեսպանի Մեհդի Սոբհանիի դիտարկմամբ՝ եթե Հայաստանն ու Ադրբեջանը միմյանց միջև խաղաղություն հաստատելու ցանկություն են հայտնում, ապա պետք է զերծ մնան սպառնալի հռետորաբանությունից։
Այս մասին նա հայտարարել է Իրանի դեսպանատանը լրագրողների հետ զրույցում՝ անդրադառնալով Ադրբեջանի կողմից ՀՀ-ի հասցեին մշտապես հնչեցվող ագրեսիվ հռետորաբանությանը։
«Կարծում եմ՝ եթե երկրները խաղաղություն հաստատելու ցանկություն են հայտնում, եթե խոսքը խաղաղության երկխոսության մասին է, նրանք պետք է սպառնալիքի լեզվով չխոսեն,»,- ընդգծեց դեսպանը: