Тошкент аэропортида икки қизни Туркияга фоҳишалик учун жўнатмоқчи бўлган аёл ушланди
0
Тошкент халқаро аэропортида 2 нафар қизни алдов йўли билан Туркияга жўнатаётган шахс қўлга олинди.
Тошкент вилояти ИИББ хабарига кўра, Нурафшон шаҳрида яшовчи 25 ёшли аёл Н.К. осон пул топиш мақсадида Бекобод шаҳри ва Ўрта Чирчиқ туманида яшовчи 21 ёшли икки қиз — С.Т. ва М.М.ни катта пул топишга ишонтирган.
Бироқ у қизларни аэропортда Истанбул шаҳрига фоҳишалик учун жўнатаётган вақтида далилий ашёлар билан ушланган.
Ҳозирда гумонланувчига нисбатан Жиноят кодекси 135-моддаси (Одам савдоси) билан жиноят иши қўзғатилган ва тергов ҳаракатлари бошланган.