Kongshaug med gull på 1500-meteren!
Peder Kongshaug var i tårer og rista på hovudet da gullet på 1500-meteren på heimebane var eit faktum. Det er det første norske gullet på distansen for herrer sidan Håvard Bøkko tok det i 2011.
– Han slår store gigantar med merittlister lange som bøker. Det er eit ganske stort rykk opp sånn cv-messig, seier skøyteekspert i NRK Even Wetten.
For i det nest siste paret klokka nordmannen inn på 1:44.64, og stjernene Kjeld Nuis og Jordan Stolz klarte ikkje å slå tida hans.
Stolz fekk sølv og Connor Howe tok bronsen.
Ungguten Didrik Eng Strand (19) imponerte stort med tida 1:45.67 og kom med det på 7. plass.
Gullvinnaren på 5000-meteren, Sander Eitrem fekk det litt tungt og klokka inn på 1:45.75 på plassen bak Eng Strand.