Татарстанда 14 сыйныфны грипп һәм ОРВИ аркасында карантинга яптылар
Татарстан Мәгариф һәм фән Министрлыгы дистанцион уку формасы оештырылган яисә дежур сыйныфлар ачылган карантинга ябык мәктәпләр һәм сыйныфларны көн саен мониторинглый.
ТР Мәгариф һәм фән министрлыгы хәбәрләренә караганда, бүгенге көндә республикада грипп, ОРВИ һәм йогышлы авырулар таралу сәбәпле 14 сыйныф карантинга ябылган – Казанда 9 сыйныф, Чаллыда 4 сыйныф, Түбән Кама районында 1 сыйныф. Тулысынча карантинга ябылган мәктәпләр юк.
Әгәр дә сыйныфта 20 проценттан да ким булмаган бала грипп яки ОРВИ белән авырса, укучыларны карантинга ябалар. Бу вакытта тулысынча сәламәт балалар өчен дистанцион уку оештырыла. Авыру балалар белән аралашкан укучыларны аеру эпидемиягә каршы мөһим чара булып тора. Әлеге очракта укучылар бер-берсе белән аралашмаячак, бу исә сыйныф коллективы арасында вирус таралуны булдырмаячак.
2025 елның 17 мартына булган мәгълүматлар нигезендә, 1 сентябрьдән башлап «Иртәнге фильтр» контролен узмаган укучылар саны 36 713 кешене тәшкил итә. Күрсәтелгән балалар саны үсә баручы йомгаклы сан булып тора, бу иртәнге термометриянең эффективлыгын күзәтергә мөмкинлек бирә.