Тошкентда безорилик ва оғир тан жароҳати етказган шахс Қозоғистонда қўлга олинди

Янги маълумотларга кўра, Яқкасарой туманида содир этилган жиноят бўйича тергов давомида 1995 йилда туғилган Акмал Шукуров терговдан қочиб, яширинган. Шу сабабли унга нисбатан Ўзбекистон Республикаси Жиноят кодексининг 277-моддаси ("Безорилик") ва 104-моддаси ("Қасддан баданга оғир шикаст етказиш") бўйича айб қўйилиб, "Қамоққa олиш" эҳтиёт чораси қўлланган.

Ҳуқуқ-тартибот органлари томонидан ўтказилган тезкор тадбирлар натижасида А.Шукуров Қозоғистон Республикасида қўлга олинди. Ҳозирда уни Тошкентга экстрадиция қилиш бўйича ишлар олиб борилмоқда.