Федор Малыхинның үлеме сәбәпле, «Ак Барс» кайгы уртаклашу белдерә
«Ак Барс» матбугат хезмәте, үзенең элеккеге һөҗүмчесе Федор Малыхинның үлеме сәбәпле, Телеграм-каналында кайгы уртаклашу белдерде.
«Ак Барс» составында Гагарин Кубогы иясе булган Федор Малыхин 34 яшендә вафат булды. Туганнарының һәм якыннарының кайгысын уртаклашабыз, сезнең белән бергә кайгырабыз», – дип язылган клуб хәбәрендә.
Искәртик, Малыхинның үлеме турындагы мәгълүмат бүген барлыкка килде. Төрле чыганакларның мәгълүматларына караганда, үлем сәбәбе - Федорның йөрәге туктаган.
Малыхин «Ак Барс» өчен 2014 елдан 2019 елга кадәр чыгыш ясады. Казанлылар белән ул Гагарин кубогын алды.