Transfermarkt Абдуқодир Ҳусановнинг нархи кўтарилиши сабабларига тўхталди

Ўзбекистон миллий терма жамоасининг ҳимоячиси Абдуқодир Ҳусановнинг Transfermarkt порталидаги нархи янгиланиб, 12 миллион евродан 35 миллион еврога ошди. Бундан олдинги нархига 23 миллион евро қўшилганлигига асосий сабаблар бор, бу ҳақда машҳур Transfermarkt портали маълумот берди.

Портал мутахассислари Абдуқодирнинг бозор қийматининг икки баравардан кўпроқ ошганлигини қуйидаги омиллар билан изоҳладилар:

Трансфер суммаси: "Манчестер Сити" уни 40 миллион еврога сотиб олиб, яна 10 миллион евро "Ланс"га бонус сифатида тўлади. Бу трансфернинг юқорилиги ҳам Хусановнинг бозор қийматини оширишга катта таъсир кўрсатган.

Янги жамоага мослашиш: Абдуқодир янги жамоа ва янги лигага жуда тез ва муваффақиятли мослашди. Англия Премьер Лигаси (АПЛ) ўзининг юқори суръати ва кўп шароитлар билан бирга, марказий ҳимоячилардан юқори даражадаги тезлик ва жисмоний куч талаб қилади. Ҳусановнинг жисмоний устунликлари ва юқори тезлиги "Манчестер Сити" учун муҳим афзаллик бўлиб, у тўпни йўқотганида тезда ҳимояга қайтишга имкон беради.

Талабнинг ошиши: Сўнгги йилларда тезкор марказий ҳимоячиларга бўлган талаб ошди ва бу Ҳусановнинг қийматини янада оширишга хизмат қилди.

Қизиқарли томони шундаки, Абдуқодир ҳозирда Ўзбекистон миллий терма жамоаси билан Қирғиз Республикаси (20 март) ва Эронга (25 март) қарши ўтказиладиган учрашувларга тайёргарлик кўрмоқда. Бу учрашувларда Ҳусановнинг энг яхши формада бўлиши ва янги қийматини далиллаши кутилмоқда.

Ҳусановнинг бозор қиймати ортиши ва "Манчестер Сити"нинг уни сотиб олиши унинг профессионал муваффақиятини кўрсатади ва Ўзбекистон футболининг халқаро даражадаги обрўсини оширишга ҳисса қўшади.