Сәнәгать һәм сәүдә министры газлаштырып бетерү программасында катнашу турында сөйләде
Бүгенге көндә Татарстанда социаль газлаштырып бетерү программасында республиканың 13 районындагы 81 бакчачылык ширкәте территориясендә урнашкан 713 йорт хуҗалары катнаша. Бу хакта бүген «Татар-информ»да узган матбугат конференциясендә Татарстан Республикасы сәнәгать һәм сәүдә министры урынбасары Марат Миңнебаев хәбәр итте.
«Бу Казан, Чаллы шәһәрләре һәм Әлмәт, Азнакай, Бөгелмә, Югары Ослан, Алабуга, Яшел Үзән, Лаеш, Түбән Кама, Питрәч, Сарман һәм Чистай районнары», – дип санап китте ул газлаштырып бетерү программасында катнашучыларны.
Миңнебаев әлеге программа кысаларында коммерцияле булмаган бакчачылык һәм яшелчәчелек ширкәтләренә кадәр газ үткәреләчәген искәртте.
«Мәгълүматлар тупланды, Татарстанда булган йорт хуҗаларына инвентаризация үткәрелде», - диде ул.
Программада катнашу өчен бакчачылык ширкәте газлаштырылган торак пункт территориясендә урнашкан, ә йорт даими рәвештә яшәү өчен яраклы булырга тиеш.