Ўзбекистон — Қирғиз Республикаси учрашуви хавфли вазиятлари ва киритилган гол (видео)

"ЖЧ-2026" саралаш баҳслари қизғин паллага кириб, миллий терма жамоамиз ўз олдига қўйган мақсад сари дадил қадам ташламоқда. Кеча "Бунёдкор" стадионида Қирғизистон терма жамоасига қарши ўйинда 1:0 ҳисобида ғалаба қозонган жамоамиз мундиал йўлида яна бир муҳим уч очкони қўлга киритди.

Албатта, мухлислар кўпроқ голлар кутганди. Ҳатто рақиб биринчи бўлимда бир ўйинчи кам бўлиб қолди. Шунга қарамай, Қирғизистон терма жамоаси ҳимояда қаттиқ турди ва дарвозабони бир неча бор йирик ҳисобнинг олдини олди. Биз пенальтидан ҳам фойдалана олмадик, аммо асосийси – ғалаба ва қимматли очколар.