Мэриядә язгы ташу вакытында су баскан очракта мөрәҗәгать итү өчен номерларны атадылар

Татарстан башкаласы хакимияте шәһәр халкына язгы ташу чорында су баскан очракта кая мөрәҗәгать итәргә кирәклеге турында сөйләде.

«Быел кышын кар аз булу һәм көчле су басу көтелмәүгә карамастан, кая мөрәҗәгать итәргә кирәклеген истә тоту һәрвакыт файдалы», – дип билгеләделәр Казан мэриясе матбугат хезмәтендә.

Язгы ташуга бәйле сораулар белән түбәндәге телефоннарга мөрәҗәгать итәргә була:

бердәм колл-үзәк – 8 (843) 222-7-222, «Ачык Казан» – 8 (843) 236-41-23, Авиатөзелеш һәм Яңа Савин районнары администрациясе – 8 (843) 223-22-33, Вахитов һәм Идел буе районнары администрациясе – 8 (843) 223-21-11, Киров һәм Мәскәү районнары администрациясе – 8 (843) 223-29-99, Совет районы администрациясе – 8 (843) 223-20-00.

Элегрәк Казанда язгы ташу чоры һәм янгын куркынычы сезоны турында киңәшмә уздырдылар. Моңарчы Татарстан Республикасы Рәисе Рөстәм Миңнеханов язгы ташу вакытында су басуны кисәтү өчен ресурсларны әзерләүне таләп итте. 20 мартка булган мәгълүматлар нигезендә, Татарстан елгаларында су дәрәҗәсе әлеге чор өчен уртача күрсәткечтән түбәнрәк.