Ғарбий Қозоғистонда тўртинчи дрон қулаши қайд этилди
0
Ғарбий Қозоғистон вилояти полиция департаменти ушбу маълумотни расман тасдиқлади.
"Ғарбий Қозоғистон вилояти полиция департаменти ваколатли хизматлар билан ҳамкорликда Жонибек туманида БПЛАга ўхшаш фрагментлар топилган ҳолат юзасидан текширув ишларини олиб бормоқда. Объект аҳоли пунктларидан узоқдаги ҳудудда аниқланган. Ҳодиса юзасидан барча тафсилотлар ўрганилмоқда", — дейилади полиция баёнотида.
Бу Ғарбий Қозоғистон ҳудудида БПЛА қулаши билан боғлиқ тўртинчи ҳолатдир. 18 март куни Тасқалин туманида уч метрли дрон қулаган, 18 февралда эса Бўқайордин туманидаги Уяли қишлоғида шундай ҳолат қайд этилган. Энг сўнгги ҳолат 24 март куни полиция томонидан расман тасдиқланган.