1971 йилда ишлаб чиқарилган ВАЗ-2102 840 млн сўмга баҳоланди

Автомобиллар савдоси бўйича эълонлар сайтида ноодатий таклиф пайдо бўлди: 1971 йилда ишлаб чиқарилган ВАЗ-2102 универсали сотувга қўйилди, деб хабар берди Cenyavto.com. Автомобил Новосибирск шаҳрида жойлашган бўлиб, унинг нархи 6 миллион рубл, бу тахминан 840 миллион сўм (1 рубл ≈ 140 сўм)ни ташкил этади.

Ушбу автомобил тарихий қийматга эга — у ВАЗ-2102 моделининг биринчи ишлаб чиқарилган кунида конвейердан тушган ва илк партиядаги 50та намунадан бири ҳисобланади. Ўша йили бу модельдан бор-йўғи 300га яқин автомобил ишлаб чиқарилган.

Машина тўлиқ реставрация қилинган ва 1971 йилда ишлаб чиқарилган янги мотор ўрнатилган. Умумий юриш масофаси — атиги 10 000 км, бу эса жуда кам фойдаланилганини кўрсатади.

Автомобил коллекционери ўз шахсий тўпламини сотишга қарор қилган. Унинг айтишича, коллекцияда бошқа илк партиядаги моделлар ҳам бор. Эълонда эгаси блогерлар ва молиявий тайёрлиги йўқ харидорлардан безовта қилмасликни сўраган. Нарҳ эса автомобилнинг ноёблиги ва тарихий аҳамиятини ҳисобга олган ҳолда белгиланган.