Лаеш интернаты укучылары «Абилимпикс 2025» төбәк чемпионаты лидерлары арасына керде

Лаеш интернат-мәктәбе укучылары «Абилимпикс 2025» төбәк чемпионаты лидерлары арасына керде. Бу хакта «Кама ягы» газетасы яза.

«Абилимпикс-2025» чемпионатының тантаналы стартының беренче көнендә Лаеш техникумы территориясендә «Социаль эш» номинациясендә иң яхшы катнашучылар билгеләнде.

Ярыш нәтиҗәләре буенча Лаеш интернат-мәктәбенең 10 нчы сыйныф укучысы Кирилл Тимофеев — беренче, ә шушы ук мәктәпнең 8 нче сыйныф укучысы Арсений Соловьев мактаулы өченче урынны яулады. Икенче урынны Казанның 4нче мәктәп-интернаты укучысы Дарина Чернова алды.