UzTest блогерни айблади, лекин ўзи айбини тан олди
0
2024 йил 29 ноябрда ёзилган видеода машиналар одамларсиз бинога киради, бир неча дақиқа туриб, қайта чиқиб кетади. Аниқ текширувлар ўтказилмаган бўлса-да, юридик ва жисмоний шахслардан лаборатория таҳлили учун пул ундирилган.
Ҳодиса фош бўлишига UzTest расмий баёнот билан жавоб берди. Улар видеонинг ҳақиқий эканини ва бу ҳолат полигон фаолияти бошланиши билан боғлиқ хато бўлганини тан олишди.
Бироқ ташкилот буни фош қилган блогерни жамоатчиликни чалғитганликда айблаб, ҳуқуқий чоралар кўриш билан таҳдид қилди.
UzTest ҳозирда барча текширувлар регламент асосида амалга оширилаётганини маълум қилган.
Фойдаланувчилар эса сохта текширувлар оқибатида йўқотилган вақт ва маблағ учун ким жавоб беради, деган савол билан чиқишмоқда.