Ульяновскида «Татар кызы-2025» матурлык һәм талант конкурсының нәтиҗәләре билгеле
Ульяновск шәһәрендә «Татар кызы-2025» матурлык һәм талант бәйгесенең финалы узды. Бу хакта «Ульяновск өлкәсе татар дөньясы хәбәрләре» сайтында белдерелә.
Төп титул Ульяновск дәүләт университеты медицина факультетының дүртенче курс студенты Алинә Хәкимовага эләкте. Ул үзенең туган шәһәрен Халыкара матурлык бәйгесенең ярымфиналында тәкъдим итәчәк. Ул көзен Казанда уза.
Икенче урында вице-мисс Назлыгөл Мистякова, ул төбәк татар мәдәнияте үзәге методисты.
Беренче вице-мисс Әминә Максудова булды. Ул Балалар сәламәтләндерү лагеренда программа җитәкчесе булып эшли (17 яшеннән әйдаман була) һәм биология укытучысы булырга укый.
«Татар кызы» бәйгесенең төп титулы иясе Алинә Хәкимова Ульяновск дәүләт университеты медицина факультеты студенты, веб-дизайн, инглиз теле, кулинария, кул эшләре һәм спорт белән мавыга.
Алинә Шиһабетдинова «Иң иҗади кыз», Ләйсән Рәхмәтуллина «Иң кыю», Алия Әүхәдиева «Иң максатчан», Динара Ямалтдинова «Иң көләч», Назлыгөл Мистякова шулай ук «Тамашачылар мәхәббәте миссы» номинациясендә җиңде.
Барлык катнашучылар да иганәчеләрдән бүләкләр алды, шул исәптән сертификатлар, косметика һәм симбирциттан беләзекләр. Җиңүчегә төп бүләк ярты елга фитнес-үзәккә абонемент, савыт-саба җыелмасы һәм төбәкне көзен Казанда узачак халыкара конкурсның ярымфиналында тәкъдим итү мөмкинлеге бирелде. Татарстан Рәисе Рөстәм Миңнеханов исеменнән барлык катнашучыларга китаплар, оештыручыларга Бөтендөнья татар конгрессының Рәхмәт хатлары тапшырылды.