Элдор Шомуродов "Рома" билан шартномани узайтирмоқчи – инсайдердан янгилик!
0
Манба маълумотига кўра, футболчи ҳам "Рома"да қолишдан манфаатдор. Қишки трансфер ойнасида римликлар Элдорни сотиб юборишга яқин эди, бироқ жамоанинг янги бош мураббийи Клаудио Раньери ўзбек ҳужумчисини таркибда сақлаб қолишга қарор қилди ва унинг салоҳиятига тўлиқ ишонч билдирди. Айни пайтда 29 ёшли футболчи муҳим ва ҳал қилувчи ўйинларда ўзини кўрсатиб, мухлисларнинг эътиборини қозона бошлади.
Эслатиб ўтамиз, Элдор Шомуродов жорий мавсум Италия А Сериясида "Рома" сафида 22 та ўйинда майдонга тушиб, рақиблар дарвозасига 4 та гол киритди ва жамоадошларига яна 2 та голли пас узатди.
Эндиликда жамоа раҳбарияти ўзбек футболчиси билан янги шартнома тузиб, унинг жамоадаги келажагини узоқ муддатли режалаштирмоқда. Бу хабар ўзбек футболи мухлисларига қувонч бағишлаб, катта қизиқиш уйғотмоқда.