Халқ баҳоси — асосий мезон: давлат хизматларига нисбатан янги тизим жорий этилади
0
Бу нима дегани?
Энди халқ қайси давлат органи қандай ишлаётганини ўзи баҳолайди ва натижалар асосида вазирлик, идора раҳбарлари ҳамда ҳокимлар шахсий жавобгарликка тортилади.
Жавобгарлик кучаяди, сунъий интеллект жорий этилади
Яна бир муҳим янгилик — сунъий интеллект асосида ишлайдиган онлайн платформа ишга туширилади. Бу хизмат фуқароларга оддий, тез ва қулай тарзда мобил телефони орқали турли муаммоларига жавоб топиш имконини беради.
Иқтисодиётда очиқлик ва шаффофлик — биринчи ўринда
Фармонда коррупциянинг олдини олишга қаратилган қатор механизмлар ҳам назарда тутилган. Жумладан:
- Давлат харидларида товар ёки хизмат нархи бозор нархидан ортиқча бўлса, шу йўл билан харид амалга оширган мансабдор жавобгарликка тортилади.
- 2025 йил 1 июлдан йирик инвестиция лойиҳаларида халқаро антикоррупция стандартлари ва аукционларнинг рақобатбардошлик экспертизаси жорий этилади.
- “Шаффоф қурилиш” миллий ахборот тизими қамрови кенгайтирилиб, у халқаро лойиҳаларга ҳам босқичма-босқич татбиқ этилади.
2025 йил охиригача қандай ўзгаришлар бўлади?
Халқаро тендер объектлари бўйича субпудратчилар “Шаффоф қурилиш” тизими орқали жалб қилинади.
Қиймати 2 млн долларгача бўлган тендерлар, агар улар халқаро молия ташкилотлари томонидан молиялаштирилса, фаqat шу тизим орқали ўтказилади.
Халқаро тендерни ютган чет эл компаниялари, шартнома қийматининг камидан 60 фоизини ўзлари бажаришлари шарт бўлади — бунда "фақат номига келишиб, ишни бошқага топшириш" амалиётига чек қўйилади.
Сиз нима деб ўйлайсиз — янги тизим раҳбарлар ишини яхшилайдими? Халқ бахоси ҳақиқий ўзгаришларга олиб келадими?