Алматы әкімдігі жиектастарға қатысты уәде берді
Қалалық мобилділік басқармасы жиектастар бүлінген жағдайда ғана ауыстырылатынын түсіндірді.
Пайдалану барысында көбінесе жол апаты мен ауыр техниканың жұмысы салдарынан жарылып немесе жылжып кетуі мүмкін. Жиектастар мен жол жабыны арасындағы жарықтар асфальттың тезірек бұзылуына әкеледі.
"Мұндай мәселенің алдын алу үшін жаңа асфальт төсемес бұрын барлық жиектас тегістеледі, бұл үдеріс "тегістеу" деп аталады. Бүтін жиектастар қайта орнатылады, ал бүлінген жиектастар ауыстырылады", - делінген хабарламада.
Көше жөндеу жұмыстары барысында жиектастардың шамамен 3 пайызы ғана жаңартылады.
"Райымбек батыр даңғылында BRT желісі салынған кезде де зақымданған жиектастар ғана ауыстырылады. Нақты саны ақауды анықтау кезінде белгілі болады", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!