Минтранс ташувчиларни рухсатномаларни тўғри ишлатишга чақирди
0
Маълумотларга кўра, Минтранс Қирғизистон орқали Хитойга юк ташиш учун берилган кўп томонлама рухсатномаларни фақат белгиланган йўналишда: Тошкент – Андижон – Ош – Иркештам – Қашғар ва аксинча фойдаланиш кераклигини эслатди.
Ҳукумат ушбу бланкларни айнан уч мамлакат ўртасидаги транспорт коридорини ривожлантириш мақсадида жорий этган.
Бироқ вазирлик мутахассислари томонидан, кейинги пайтларда бланклардан нотўғри фойдаланиш ҳолатлари кўпайгани қайд этилди. Хусусан, айрим ташувчилар улардан фақат Қирғизистон ва Ўзбекистон орасидаги юк ташишда фойдаланмоқда.
Бу эса амалдаги қоидаларни бузиш ҳисобланиб, шундай ҳолатларда бланклар ҳақиқий деб ҳисобланмайди. Бундан ташқари, бундай ҳолатдаги ташувчиларнинг бланкларга етиши чекланиши мумкин.