АҚШдан Ўзбекистон фуқаролари учун махсус чартер рейс ташкил этилди
0
Ўзбекистон Ташқи ишлар вазирлиги маълумотига кўра, ушбу рейс икки томонлама келишувлар доирасида ташкил этилади ва АҚШда ноқонуний равишда бўлиб турган Ўзбекистон фуқароларини қамраб олади. Бу, айниқса, визо режимини бузган ёки мамлакатда қонуний бўлиш муддатини оширган шахсларга тааллуқли.
Репатриация жараёни инсонпарварлик ва қонунийлик тамойиллари асосида ташкил этилади ва фуқароларнинг муносиб ва хавфсиз ватанига қайтиши таъминланади. Ташкилотчилар таъкидлашича, рейс Ўзбекистон ва АҚШнинг консуллик ва миграция хизматлари ҳамкорлигида амалга оширилади ва барча чора-тадбирлар икки мамлакатнинг амалдаги қонунчилигига мувофиқ бўлади.
Шунингдек, 3 апрел куни АҚШнинг Ўзбекистондаги элчиси Жонатан Хеник АҚШда ноқонуний яшаб турган ўзбекистонликларга мурожаат қилиб, уларни ихтиёрий равишда ватанига қайтишга чақирди. Унинг таъкидлашича, АҚШда минглаб ноқонуний мигрантлар бор ва уларга депортация хавфи туғилиши мумкин.