Branns draumerekke tok slutt
I den sjuande serierunden av Toppserien gjekk Brann på sitt første poengtap for sesongen da dei spelte 1–1 heime mot LSK Kvinner.
Amalie Eikeland sette inn leiinga for heimelaget etter dryge ti minutt, men bortelaget slo tilbake i andre omgang da Thea Kyvåg sette inn utlikninga.
– Det er litt rart å seie det, men det kjennest nesten ut som ein siger, seier Kyvåg til TV 2 etter kampen.
Brann leiar serien med fire poeng ned til Vålerenga på plassen bak. LSK Kvinner ligg på 5. plass med åtte poeng opp til ligaleiaren.
Andre resultat i Toppserien:
Rosenborg – Kolbotn 1–0
Stabæk – Røa 2–1
Hønefoss – Vålerenga 0–4
Lyn – Bodø/Glimt 0–0