Хитой Ўзбекистонга енгил автомобиллар етказиб беришда етакчига айланди

2025 йилнинг биринчи чорагида Хитой Ўзбекистонга енгил автомобиллар етказиб беришда етакчига айланди, деб хабар берди uz.kursiv.media. Ўзбекистон Хитойдан 5,2 мингта енгил автомобил импорт қилган. Шунингдек, Жанубий Кореядан 1,4 мингдан ортиқ ва Ҳиндистондан 144 та автомобил олиб кирилган.

Жорий йилнинг апрель ойи бошига келиб, умумий енгил автомобиллар импорти 6,9 мингдан ошди ва уларнинг умумий қиймати 115,1 миллион долларни ташкил этди.

Эслатиб ўтамиз, 2025 йил март ойида Ўзбекистонда 65 мингта енгил автомобил сотилган бўлиб, бу ўтган йилнинг шу даврига нисбатан 32,7% камайган.