Ауыл аманаты» жобасы тұрғындар үшін жаңа мүмкіндіктерге жол ашуда

«Ауыл аманаты» жобасы ауылдық жерде кәсіп ашуға ниетті азаматтар үшін үлкен мүмкіндік. Аталған жобаның арқасында ауыл тұрғындары жеке кәсібін ашып, отбасылық табыстарын арттыруға, ауыл экономикасын дамытуға сүбелі үлес қосып келеді. Осындай игілікті жобаның жемісін Меркі ауданындағы Андас батыр ауылының тұғындары көріп отыр.

Шайхысламовтар отбасы 2024 жылы 2,5 пайызбен 4,2 млн теңге көлемінде несиеге қол жеткізіп, жылыжай кәсібін бастаған. Бүгінде олар шағын ғана жер телімінен табысқа кенеліп отыр. Кәсіпкер отбасы 1,5 сотық шағын жылыжайда альбион сұрыпты құлпынай өсіріп отыр. Заманауи агротехникалық тәсілдерге басымдық берген олар тамшылатып суару және гидропоника әдістерін қолданып, интенсивті жүйеде өнім алуда.
-«Сорхиян» корейлік сорт. Кокос субтратында өседі. Топырақ қолданылмайды. Дәрумендердің барлығын су арқылы алады,-дейді кәсіпкер.
Альбион сұрыпты құлпынайдың бір түбінен шамамен 1,5 келі, ал сольхянг сұрыпынан 700 грамға дейін өнім алуға болады екен. Арзыхан Даванова құлпынайды жаңа технологиялар арқылы өсіруді Қырғыз еліне барып, арнайы үш ай оқып, кәсіби біліктілігін жетілдірген. Қазіргі таңда ол құлпынай өнімдерімен қатар, құлпынай көшеттеріне де алдын ала тапсырыстар қабылдап, сатылымға шығарып отыр.
-Жалпы аумақ 10 соттық жер. 1,5 соттығы көшетке арналған. Қалғаны жылыжай. Сұраныс жоғары,-дейді Арзыхан Даванова.
Биыл «Ауыл аманаты» жобасының 5-ші бағыты бойынша ауданнан 189 жоба ұсынылып, оның 99-ы «Тараз» әлеуметтік-кәсіпкерлік корпорациясына жолданған. Нәтижесінде 49 жоба нақты қаржыландырылған.Осылайша, жаңашыл көзқараспен, қажырлы еңбекпен және үздіксіз ізденіспен кәсібін дөңгелетіп отырған жас отбасы ауыл шаруашылығындағы отбасылық кәсіптің озық үлгісін көрсетуде.

Сообщение Ауыл аманаты» жобасы тұрғындар үшін жаңа мүмкіндіктерге жол ашуда появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.