Қазақ «Жаным — арымның садағасы» деген өр намысты, айбарлы ел — Президент

Қазақстан үшін ең басты мақсат — ұлт мүддесін қорғау. Бұл туралы Мемлекет басшысы Қасым-Жомарт Тоқаев елордада өтіп жатқан Ұлы Жеңістің 80 жылдығына арналған әскери парадта айтты.

— Біз Жеңістің 80 жылдығын атап өтуге баса назар аудардық, еліміз бойынша мыңдаған маңызды, ауқымы кең іс-шара өткізіліп жатыр. 500-ге жуық көшеге Қазақстан қаһармандарының есімі берілетін болды. Елімізде қазақстандық майдангерлерге арналған «Батырларға тағзым» атты шеру өтеді. Адамзат тарихындағы ең сұрапыл соғысқа қатысушылардың ұрпағы аталарының суреттерін көшелермен алып жүреді. Бүгінгідей жаһандық саясатқа агрессия мен қатыгездіктің жегі құрты дендеп енген кезеңде соғыстың қасіретін еліміздің барша азаматына түсіндіру аса маңызды, — деді Мемлекет басшысы.

Қасым-Жомарт Тоқаев ақиқатты танымай бейбітшіліктің қадірін білу мүмкін еместігін баса айтты.

— Соғыстың тарихи ақиқатын, Ұлы Жеңістің мән-мағынасын қасақана бұрмалауға жол беруге болмайды. Қазіргі құбылмалы заманда Қазақстан үшін ең басты мақсат — ұлт мүддесін қорғау. Сыртқы саясатымыз осы мақсатты қамтамасыз ету үшін жүргізіліп жатыр. Қазақ халқы — бейбіт халық. «Жаным — арымның садағасы» деген өр намысты, айбарлы ел, — деді Президент.

Айта кетейік, Астанадағы Тәуелсіздік алаңында Жеңістің 80 жылдығына арналған әскери парад өтті.

Сообщение Қазақ «Жаным — арымның садағасы» деген өр намысты, айбарлы ел — Президент появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.