Qeveria tranzitore: Për LVV-në, e papranueshme

Në mungesë të një marrëveshjeje midis partive politike për zhbllokimin e ngërçit, Kuvendi dështoi të konstituohet edhe në përpjekjen e dymbëdhjetë. Ndërsa propozimi i Lidhjes Demokratike të Kosovës (LDK) për një qeveri tranzitore mbetet i papranueshëm për Lëvizjen Vetëvendosje (LVV), partitë e tjera janë të gatshme ta diskutojnë atë. Ndërkaq, disa prej deputetëve të pakicave thanë se u përjashtuan nga propozimi i kreut të LDK-së, Lumir Abdixhiku, gjatë deklarimit të tij për media, ani pse u përmendën në letrën që ai ia dërgoi të parit të LVV-së, Albin Kurti.