Мирзиёев Иккинчи жаҳон уруши ветеранларини табриклади
0
«Аввало, сизларни ва сизнинг шахсингизда барча ҳурматли ветеранларимизни Ғалабанинг 80 йиллиги билан табриклайман. Бутун халқимиз номидан сизларга чуқур миннатдорчилик билдираман», — деди президент.
Мирзиёев таъкидлашича, ветеранларнинг жасорати туфайли бугунги авлод тинчликда яшамоқда.
Жорий йилда Иккинчи жаҳон уруши қатнашчиларига 10 минг доллар (тақрибан 128 миллион сўм) миқдорида бир марталик тўлов амалга оширилади. Уруш қатнашчиларига тенглаштирилган шахсларга 25 миллион сўм, меҳнат фронти ветеранларига эса 3 миллион сўм тўланади.