Февзи Давлетов "Динамо"га қарши ўйиндаги мағлубиятдан кейин нималар деди?
0
Ўйин ҳақида
- Учрашувнинг дастлабки 20 дақиқалигини яхши ўтказдик. Айнан 20-дақиқадан кейин биз позицион ҳимояда хатолар қилишни бошладик. Голни жуда осон ўтказиб юбордик. Марказий чизиқдагилар ва ҳимоядагилар охиригача ўйнай олишмади. Кейинчалик ўйинни тенглаштира олдик, лекин ҳужумда бизда якунлаш сифати етишмаяпти. Иккинчи бўлимда биз ҳам рақиблар ҳам очиқ ўйин намойиш қилишди, бу мухлисларга ҳам ёқди. Кўп вазият яратяпмиз, бироқ ундан фойдаланишда жуда ёмон ўйнаяпмиз.
- "Сурхон" узоқ вақт давомида Тошкентда ўйинларини ўтказди. Ушбу мавсумга келибгина жамоа Сурхондарёга қайтди. Стадион, стадион ёнида қароргоҳ қуриб битказилди. Бу жамоани бирдам қилишда ва натижаларга таъсир ўтказа оладими?
- Албатта, бу табиий. Ҳали жамоада қилинадиган ишлар бор. Футболчиларнинг руҳий ҳолати унчалик яхши эмас. Бу жамоанинг ички муаммолари, лекин ҳозирча буни биз ҳал қила олмаймиз. Ҳатто шундай қийинчиликларга қарамасдан йигитлар характер кўрсата олишди. Умид қиламанки, келгусида бу муаммолар бартараф қилинади.
- Бунга қадар жамоада Жаҳонгир Абдусаломов сардор эди. Сўнгги пайтларда эса сардорлик боғичи Беҳзод Шамсиевга топширилмоқда. У етакчи сифатида жамоани олдинга бошлашга тайёрми?
- У ҳозир ҳимояда етакчи футболчи. Сардорлик боғичи муҳокама қилинмайди.
Манба: championat.asia