Google Android Auto'ни янгилади: зудлик билан ўрнатинг

Google Android Auto'нинг 14.4 бета версиясини тақдим этди, деб Pepelac News хабар берди. Янгиланиш кенг омма учун келаси ҳафтада етиб боради. Ҳар галгидек, янгиланиш тафсилотлари расман очиқланмаган, аммо унинг асосий мақсади — барқарорликни ошириш ва янги функцияларга тайёргарлик кўришдир.

Google'нинг асосий мақсадларидан бири — Android Auto'ни транспорт воситаси тизимига чуқурроқ интеграция қилиш. Бу Android Automotive'га нисбатан Android Auto'нинг асосий камчилигини — автомашина маълумотларига чекланган кириш имкониятини бартараф этишга қаратилган.

Янги янгиланишда ҳаво назорати тугмалари интерфейснинг пастки панелига жойлаштирилади. Бу функция аллақачон илгариги сборкаларида кузатилган, ҳозир эса Google уни тўлиқ жорий этишга яқинлашмоқда.

Яна бир янгилик — Android Auto орқали мультимедиа экранда Android ўйинларини ишга тушириш имкони. Angry Birds ва Candy Crush каби биринчи ўйинлар аллақачон тақдим этилган. Бу функцияни ишлатиш учун Android 15 ва Android Auto'нинг охирги версияси талаб этилади.

Google бу ҳақда кенгроқ маълумотни 20–21 май кунлари бўлиб ўтадиган Google I/O конференциясида эълон қилиши кутилмоқда.