Svensk journalist som har vore fengsla i Tyrkia er på veg til Sverige
0
Den svenske journalisten Joakim Medin, som har vore fengsla i Tyrkia sidan mars 2025, skal vere på veg tilbake til Sverige. Det melder fleire svenske medium.
Det stadfestar statsminister Ulf Kristersson på X.
Medin blei arrestert då han kom til Tyrkia for å dekke protestar etter pågripinga av Istanbuls ordførar, Ekrem Imamoglu. Han blei seinare tiltalt for medlemskap i ein terrororganisasjon og for å ha fornærma president Erdogan.
I april blei han dømd til om lag eitt års fengsel for å ha fornærma presidenten.
Seinare blei ein ny tiltale reist mot han, og han risikerte 12 år i fengsel knytt til påstått spreiing av terrorpropaganda.